“USTOZ-2021” MILLIY MUKOFOTI
Dunyoning eng yaxshi o‘qituvchilari tanlovida o‘z mamlakatingizni himoya qilish imkoniyatini qo‘lga kiriting!
Tanlovning mukofot jamgʻarmasi – 1 million AQSh dollari miqdoridagi mukofoti puli. Ushbu mukofot dunyo miqyosida tashkil etilib, ta’lim tizimiga salmoqli hissa qo‘shgan eng yaxshi oʻqituvchiga taqdim etiladi.
“Global Teacher Prize” mukofoti pedagoglarning fidoyiligini va xalqaro miqyosidagi saʼy-harakatlarini eʼtirof etishga qaratilgan xalqaro mukofot bo’lib, nafaqat oʻz oʻquvchilariga, balki dunyo hamjamiyatiga ham taʼsir koʻrsatuvchi eng yaxshi oʻqituvchilarni ragʻbatlantirishni maqsad qilgan.
“Ustoz-2021” milliy mukofoti Varkey jamgʻarmasi koʻmagida Oʻzbekistonda ikkinchi yil oʻtkazilmoqda, shu bois o‘tgan yilgi tajribaga asoslanib, “Ustoz-2021” tanloviga ba’zi o‘zgarishlar va yangiliklar kiritildi. Muhim o‘zgarishlar – nominatsiyalar va ularning mezonlarini qayta koʻrib chiqish jarayoni hamda tanlovda qatnashish uchun ariza berish mexanizmiga oid o‘zgartirishlar, shuningdek, tanlov veb-saytiga kiritilgan vizual oʻzgarishlardir.
Bu yil maktab oʻqituvchilarining barcha toifalarini qamrab olish hamda ularni milliy va jahon miqyosida tanitish maqsadida ikkita yangi nominatsiya qo‘shildi.
“Ustoz-2021”da ishtirokchilar tanlovning har bir bosqichida qatnashish uchun alohida anketa to‘ldirgan va yuborgan bo‘lsa, 2021-yilda ishtirok etish uchun ariza berish jarayoni ancha soddalashtirilgan. Ishtirokchilar www.ustozmukofoti.uz veb-saytida ro‘yxatdan oʻtishlari, so‘ngra o‘zlariga mos nominatsiyani tanlashlari kerak. Shu bilan birga, tanlovning har bosqichi haqida xabarlar ishtirokchilarning shaxsiy kabinetiga keladi, shuning uchun Siz tanlov jarayonlaridan doimiy ravishda xabardor bo‘lib borasiz.
Shuningdek, saytdan foydalanish qulay bo‘lishi uchun vizual o‘zgartirishlar kiritilgan.
RO‘YXATDAN O‘TISH
va nominatsiyani tanlash
ARIZA TO‘LDIRISH
va ishtirokchilarni video va esselari asosida saralash
ZOOM–INTERVYU
ekspertlar bilan
FINAL BOSQICHI
eng yaxshi o‘qituvchilarni saralash
G‘OLIBLARNI TAQDIRLASH
marosimi
Namangan viloyati Pop tumani 32-umumta’lim maktabining tarix fani o‘qituvchisi:
"Ushbu tanlov - tashabbuskor, bilimli va intiluvchan yosh pedagoglar uchun chinakam imkoniyatlar eshigidir. Tanlovdagi xalqaro standartlar asosidagi baholash me’zonlari esa Yangi O‘zbekiston o‘qituvchilarini munosib baholash omilidir. Sifatli ta’lim yo‘lida mehnat qilib, o‘z tashabbuslaringizni butun mamlakatimizga namoyon qilmoqchimisiz? Demak, bu tanlov - aynan siz uchun!"
Toshkent viloyat Qibray tumani 48-umumta’lim maktabining boshlang‘ich sinf o‘qituvchisi
"O‘qituvchilar uchun o‘tkazilayotgan bu tanlov har bir o‘z kasbini sevadigan fidoyi ustoz uchun zo‘r imkoniyat eshigidir. Jamiyatda o‘qituvchi nufuzini oshiruvchi va fidokor ustozlarni munosib taqdirlaydigan hamda sharaflaydigan tanlovlar ko‘payaversin!"
Andijon viloyati Izboskan tumani 9- umumta’lim maktabining informatika va axborot texnologiyalari fani o‘qituvchisi
" “Ustoz-2020” milliy tanlovi orqali men o‘zimni qayta kashf qildim. O‘zimga bo‘lgan ishonch, kasbga bo‘lgan yuksak muhabbat yanada ortdi. Juda ko‘plab do‘stlar orttirdim va shunday jamoa a’zolari qatorida ekanligim men uchun kuch va g‘ayrat berdi. Tanlovning final bosqichida qatnashgan kunlarim hayotimning shirin xotiralariga aylandi. Tanlov tashkilotchilaridan cheksiz minnatdorman!"
Qashqadaryo viloyati, Qarshi tumani 18-sonli ko‘rish bo‘yicha imkoniyati cheklangan bolalalar uchun ixtisoslashtirilgan davlat ta’lim muassasasining huquqshunoslik fani o‘qituvchisi
"Ushbu tanlov xalq ta’limi tizimidagi o‘qituvchilarning innovatorlik qobiliyatini yuzaga chiqishiga va jamiyatda o‘z o‘rnini topishiga amaliy jihatdan ulkan imkoniyatlar eshigini ochdi!"
