“Taʼlim orqali odamlar hayotini oʻzgartirish” – bu har yili Global Education and Skills forumiga mezbonlik qiluvchi Varkey Foundation xalqaro tashkilotining shioridir.
Forum butun dunyo boʻylab taʼlim sohasida hamkorlik va muammolarni hal qilish maqsadida davlat va jamoat arboblari, ishbilarmonlar, oʻqituvchilar, xayriya tashkilotlarini bir maydonga yig‘adi. Forumning asosiy tadbiri – 1 million AQSh dollari pul mukofoti boʻlgan “Global Teacher Prize” tanlovidir.
“Global Teacher Prize” mukofoti haqida
Mukofot jamg’armasi – 1 million AQSH dollari miqdoridagi pul mukofotidir. Ushbu mukofot dunyo miqyosida tashkil etilib, ta’lim tizimiga salmoqli hissa qo‘shgan eng yaxshi oʻqituvchiga taqdim etiladi.
“Global Teacher Prize” mukofoti pedagoglarning fidoyiligini va xalqaro miqyosidagi saʼy-harakatlarini eʼtirof etishga qaratilgan xalqaro mukofot bo’lib, nafaqat oʻz oʻquvchilariga, balki dunyo hamjamiyatiga ham taʼsir koʻrsatuvchi eng yaxshi oʻqituvchilarni ragʻbatlantirishni maqsad qilgan.
